Mańǵystaý oblysynda joǵalǵan bes jasar qyzdar úılerinen 9 shaqyrym jerden tabyldy
ASTANA. QazAqparat - 2016 jyldyń 24 mamyrynda saǵat 11:00-de (Astana ýaqytymen) Mańǵystaý oblysyndaǵy Beıneý aýdanynyń Borankól kentinen ońtústikke qaraı 20 shaqyrym jerde ornalasqan sharýa qojalyǵynan 2011 jyly dúnıege kelgen eki bala joǵaldy. Іzdeý nátıjesinde balalar joǵalǵan ornynan 9 shaqyrym jerden tabyldy, dep habarlady ІІM Tótenshe jaǵdaılar boıynsha komıtetiniń resmı ókili Rýslan Imanqulov.
QR ІІM TJK-niń aqparatynsha, balalardyń joǵalǵany týraly habarlama kelip túskende shuǵyl qyzmetter birden izdeý jumystaryna kiristi. Oǵan jıyrmaǵa jýyq tehnıka jáne TJB, AІІB, ákimdik, 2087, 99116 áskerı bólimderiniń qyzmetkerleri jáne eriktilerden turatyn júzge jýyq adam qatysty. Joǵalǵan balalardy izdeý jumystary kúni-túni júrgizilgen.
Búgin, 25 mamyrda tańerteń saǵat 06:15-te izdeý jumystaryn tabysty ótkizý maqsatynda QR ІІM TJK «Qazáýequtqarý» AQ-nyń MI-8 tikushaǵy tartyldy.
Saǵat 07:29-da (Astana ýaqytymen) jaıaý izdeý toby balalardy olar joǵalǵan orynnan ońtústikke qaraı 9 shaqyrym jerden tapty. Balalardyń hal-jaǵdaıy qanaǵattanarlyq dep baǵalanýda, olar qosymsha tekserý úshin medıtsınalyq qyzmetkerlerge tapsyryldy.
