Mańǵystaý oblysynda jemqorlyqqa qatysty bıyl 52 qylmys tirkelgen

AQTAÝ. QazAqparat – Mańǵystaý oblysynda sybaılas jemqorlyqqa qatysty qylmystar sany eki ese artqan. Bul týraly Sybaılas jemqorlyqqa qarsy is-qımyl jónindegi komıssııanyń otyrysynda aıtyldy, dep habarlaıdy QazAqparat tilshisi.

Óńirde ótken jyly jemqorlyqqa qatysty 22 qylmys tirkelse, bıyl 52-ge jetken.

«Bıyl óńirde sybaılas jemqorlyq boıynsha qylmys sany eki esege artqan. Qylmys qurylymynda paraqorlyqtyń úlesi jyldan-jylǵa ósip otyr», - dedi QR Sybaılas jemqorlyqqa qarsy is-qımyl agenttigi Mańǵystaý oblysy boıynsha departamentiniń basshysy Ádilhan Áshirbaev.

Departament 3 syrtqy taldaý jumysyn júrgizip, birqatar sybaılas jemqorlyq táýekelin anyqtaǵan. Sondaı-aq qylmystardyń aldyn alý maqsatynda 21 tulǵa ákimshilik jaýapkershilikke tartylyp, olarǵa 25 mln teńge kóleminde aıyppul salynǵan.

«Memlekettik organdarda jemqorlyq táýekelderin taldaýdyń mańyzdylyǵyn túsiný kerek. Taldaý barysynda qyzmettiń barlyq baǵyttaryn qamtı otyryp, sybaılas jemqorlyqtyń sebepteri men jaǵdaılaryn joıý boıynsha usynymdar engizý qajet», - dedi QR Sybaılas jemqorlyqqa qarsy is-qımyl agenttigi Preventsııa qyzmetiniń basshysy Saıan Ahmetjanov.