Mańǵystaý oblysynda jemqorlyq týraly aıtqan 5 adamǵa syıaqy berildi

AQTAÝ. QazAqparat –Mańǵystaýda sybaılas jemqorlyq faktileri týraly habarlaǵan 5 tulǵa 760 myń teńge kólemindegi syıaqy alǵan, dep habarlaıdy QazAqparat tilshisi.

Bul týraly Antikor ortalyǵynda ótken brıfıngte Mańǵystaý oblysy boıynsha Sybaılas jemqorlyqqa qarsy qyzmet departamentiniń asa mańyzdy ister jónindegi tergeýshisi Zýlfııa Abıshaeva aıtty.

«Sybaılas jemqorlyqqa qarsy is-qımyl týraly» zańyna sáıkes, mundaı jaǵdaılar týraly habarlaǵan adam aqshalaı qarajatpen ǵana emes, sonymen qatar memlekettiń qorǵaýynda bolady. Al sybaılas jemqorlyq faktilerin habarlaǵan adam týraly aqparat memlekettik qupııa bolyp tabylady» dedi Z.Abıshaeva.

Aıta keteıik, sybaılas jemqorlyq faktilerine tap bolǵan jaǵdaıda QR Sybaılas jemqorlyqqa qarsy is-qımyl agenttiginiń 1424 call ortalyǵyna nemese Departamenttiń 8 (7292) 319110 kezekshi telefonyna qońyraý shalýǵa bolady.