14:11, 15 Sáýir 2020 | GMT +5
Mańǵystaý oblysynda jedel-járdem qyzmetkerleri 2 jalaqy kóleminde ústemeaqy alady
AQTAÝ. QazAqparat – Mańǵystaý oblysynda jedel-járdemniń barlyq qyzmetkerleri 2 jalaqy kóleminde ústemaqy alatyn boldy, dep habarlaıdy QazAqparat tilshisi.

Mańǵystaý oblysynyń Qoǵamdyq kommýnıkatsııa ortalyǵynan málim etkendeı, qazir oblysta shaqyrtýlarǵa barlyǵy 46 jedel-járdem brıgadasy jumyldyrylǵan. Qyzmetkerlerdiń jalpy sany – 663. Olardyń barlyǵyna eki aılyq kóleminde ústemeaqy beriledi. Osy maqsatqa jergilikti bıýdjetten 78 mıllıon teńge bólindi.
Eńbekaqyǵa qosymsha bul qarjy jedel-járdem qyzmetkerleriniń osyǵan deıin memleket tarapynan ústemaqy alǵan, almaǵanyna qaramastan barlyǵyna birdeı beriledi.
«Qaýipti indetpen kúresýde táýlik boıy tynymsyz jumys isteıtin jedel-járdem qyzmetindegi dárigerler, feldsherler, sanıtar qyzmetkerler men júrgizýshilerdiń eńbegi eren. Dárigerlerge oblys halqynyń atynan alǵysymdy aıtamyn», - dedi oblys ákimi Serikbaı Trumov.