Mańǵystaý oblysynda jazýshy Á.Kekilbaevtyń murasyn saqtaýǵa mán berilýde
ASTANA. QazAqparat - Mańǵystaý oblysynda halyq jazýshysy Ábish Kekilbaevtyń murasyn saqtaý jónindegi arnaıy komıssııa qurylatyn bolady. Bul týraly oblys ákimdiginiń baspasóz qyzmeti habarlady.
Mańǵystaý oblysy ákimi Alık Aıdarbaevtyń tapsyrmasy boıynsha Qazaqstannyń halyq jazýshysy, kórnekti qoǵam jáne saıası qaıratkeri Ábish Kekilbaevtyń mádenı muralaryn saqtaý jáne shyǵarmalaryn kópshilikke tanytý jónindegi arnaıy komıssııa qurylatyn bolady. Oblystyq mádenıet basqarmasy osy komıssııanyń múshelerin anyqtap, is-qımyl josparyn jasaqtaıdy.
«Ábish aǵa tek qana bizdiń aımaqqa emes, sondaı-aq barlyq elge tanymal tulǵa. Búgingi bizdiń maqsatymyz - bolashaq urpaqqa ulaǵatty murasyn saqtap, tanytý. Sol sebepti, komıssııa qurý jáne sharalardy josparlaý kezde mindetti túrde Mańǵystaý oblysy turǵyndarynyń oı-pikirleri eskeriledi», - dedi Alık Aıdarbaev.
Uzaq merzimdi jospardy júzege asyrý úshin jergilikti bıýdjetten qarajat bólinedi.
