Mańǵystaý oblysynda jaz bastalǵaly 6 adam sýǵa ketti

AQTAÝ.QazAqparat - Mańǵystaý oblysy boıynsha bıylǵy shomylý maýsymy bastalǵaly beri 6 adam sýǵa ketti. Onyń úsheýi - jasóspirim. Bul týraly Mańǵystaý oblystyq Qoǵamdyq kommýnıkatsııa ortalyǵynda ótken brıfıngte óńirlik Tótenshe jaǵdaılar departamenti bastyǵynyń mindetin atqarýshy Nurlybek Aıjaryqov málim etti, dep habarlaıdy QazAqparat tilshisi.

Spıkerdiń aıtýynsha jaz mezgilinde balalardyń sýdaǵy qaýipsizdigi óte mańyzdy. Alaıda ata-ananyń qaraýynsyz, daýyldy kúnderi jasóspirimder men balalar ruqsat etilmegen jerlerde shomylǵanynyń sońy qaıǵyly oqıǵamen aıaqtalýda.

«17 maýsymda Aqtaý qalasynda 2 kún boıy 1999 jylǵy er adamdy izdestirý jumystary júrgizildi. Іzdeý jumystary áli de jalǵasyp jatyr. Sonymen qatar, 18 maýsymda 112 pýltine shomylýǵa tyıym salynǵan jerde bes jasóspirim sýǵa batyp bara jatqany týraly aqparat tústi. Olardyń úsheýi óz kúshterimen jaǵaǵa shyqqan. Al ekeýin kýágerler qutqarǵan. Alaıda jasóspirimniń biri jolda qaıtys boldy. Al ekinshisi oblystyq balalar aýrýhanasyna jetkizildi»,- dedi Nurlybek Aıjaryqov.

Brıfıng barysynda oblystyq bilim basqarmasynyń basshysy Dınara Jumasheva Munaıly aýdanynda oryn alǵan jaǵdaıǵa baılanysty qaıǵyly oqıǵalardyń aldyn alý maqsatynda qatań sharalar qoldanýǵa májbúr ekendigin aıtady. Belgilengen tártipke qaıshy is-əreketke jol bergen muǵalimder tıisti jazaǵa tartylady. Al balanyń ómiri men qaýipsizdigine jaýapsyzdyq tanytqan ata-analardyń tártibi jergilikti ákimdikter janyndaǵy kámeletke tolmaǵandardyń quqyn qorǵaý komıssııalarynda qaralyp, jumys oryndaryna hat joldanady.

«Jylda bilim berý uıymdary men ata-analardy mektep bitirý kezinde merekelik keshter jasamaýǵa, ıvent-kompanııalar men anımatorlar jaldamaýǵa, muǵalimderge syılyq jasamaýǵa, dastarhandar jaımaýǵa, balalardy kólikpen kóshege, qala syrtyna shyǵarmaýǵa, tabıǵatqa ekskýrsııa jasamaýǵa shaqyrdyq. Arnaıy buıryq shyǵardyq, ata-analarmen jınalys ótkizdik, qol qoıý arqyly eskertildi. Óıtkeni ədette mundaı is-əreket saldarynan keleńsiz oqıǵalar oryn alady. Máselen joǵaryda aıtylǵan Munaıly aýdanynyń 9-synyp bitirýshileri ata-analarymen kelise otyryp, bilim berý uıymyna eskertpesten tyıym salynǵan orynǵa baryp, jıyn uıymdastyrdy. Demalys sońynda bir oqýshydan aıyrylyp qalyp otyrmyz. Ata-analar men ustazdar qatysýymen jınalys ótedi. Synyp jetekshige qatysty qatań sheshim qabyldanady»,- dedi Dınara Jumasheva.

Brıfıng sońynda spıker ata-analar men oqýshylardy tártipke baǵynyp, qaýipsizdik erejelerin saqtaýǵa shaqyrdy. Sondaı-aq Dınara Jumasheva aımaqtaǵy kompanııalar men kásiporyndardan balalardyń jazǵy lagerge sapary jóninde bilim basqarmasy men bólimderin habardar etýdi surady.