Mańǵystaý oblysynda «Járdem» medıtsınalyq poıyzy 13 stansa turǵyndaryna qyzmet kórsetedi
ASTANA. QazAqparat - 10 shildeden bastap «Járdem» keeestik-dıagnostıkalyq poıyzy Manǵystaý oblysynyń turǵyndaryna medıtsınalyq kómek kórsetýde. Bul týraly QR ІІM TJK baspasóz qyzmeti habarlady.
«Járdem» poıyzynyń medıtsına mamandary Batys Qazaqstan oblysynyń shalǵaı eldi mekenderindegi 9 stansanyń jáne Atyraý oblysynyń 13 stansasynyń turǵyndaryn tekserip olarǵa járdem berdi.
Aýdan ortalyǵyna toqtaǵan poıyz ishindegi aq halatty abzal jandar kómekke zárý jandardyń suranysyn qanaǵattandyrdy. Tańerteńnen beri poıyzǵa aǵylǵan halyq tolastar emes. Sebebi dertine shıpa izdegen jandarǵa bul poıyz shıpahanaǵa aınaldy. Ásirese alys shalǵaıdan arnaıy dárigerlik qaralýǵa kele almaıtyn jandar, eńbektegen baladan eńkeıgen aqsaqalǵa deıin aýylyna kelgen járdemnen qur qalmaýǵa tyrysady. Dárigerlik kómekke júgingenderdiń kóbisi aıaǵy aýyr áıelder men jas balalar. Sebebi poıyz zamanaýı medıtsınalyq quraldarmen jabdyqtalǵan.
2016 jyldyń 1 jartyjyldyǵynda «Járdem» kenestik-dıagnostıkalyq poıyzymen 37 kún ishinde Batys Qazaqstan jáne Atyraý oblystarynyń 20 stansasynyń turǵyndary tekserildi, 4 454 eresek turǵyn, sonymen qatar 376 balaǵa medıtsınalyq kómek kórsetildi. Dárigerlerge kelýshiler sany 37 217 adamdy qurady. 15 635 dıagnostıkalyq zertteýler júrgizildi (4 744 ishki aǵzany ýltradybystyq zertteý, 1 211 mıdy elektroentsefalografııalyq jáne ýltra dybystyq doplerografııalyq zertteýler, 1 856 elektrokardıografııalyq zertteýler, 1 234 kóz ishiniń qan qysymyn ólsheý, 672 ezofagogastrodýodenoskopııa, 5 918 klınıko-bıohımııalyq zertteýler). 1 106 turǵynǵa stomatologııalyq járdem kórsetildi.
Júrgizilgen jumys nátıjesinde poıyz mamandary 8 998 aýrý túrin tirkedi, onyń ishinde 813-i balalarda. 215 isik anyqtaldy, onyń ishinde 5-ýi balalarda.
12 shildede «Járdem» medıtsınalyq poıyzy Mańǵystaý oblysy Ózen stansasynyń turǵyndaryna kómek kórsetip júr, al 15 maýsym kúni poıyz Jetibaı stansasyna mamandandyrylǵan medıtsınalyq kómek kórsetý maqsatynda 3 kúnge aıaldaıdy. Osy saparynda barlyǵy Mańǵystaý oblysynyń 13 stansasyna qyzmet kórsetý josparlanǵan.
