Mańǵystaý oblysynda jańa aýrýhana salynady
AQTAÝ. QazAqparat - 10 jyl buryn, Munaıly aýdany qurylǵanǵa deıin, onyń aýmaǵynda 2 dárigerlik ambýlatorııa jáne 1 statsıonar boldy. Qazir 7 dárigerlik ambýlatorııa, 3 statsıonar jumys istep tur. Halyqqa barlyǵy 14 medıtsınalyq nysan qyzmet kórsetedi. Burynǵy aýrýhana 40 oryndyq toraptyq temir jol aýrýhanasy retinde 1967 jyly salynǵan. Ol 140 myń halqy bar aýdanǵa qyzmet etýi tıis. Bıyl jańa zamanaýı aýrýhana salý josparlanýda, dep habarlady «QazAqparat» HAA tilshisi.
Búginde aýrýhanada 52 dáriger, 107 medbıke jumys isteıdi. 150 oryndyq aýrýhana qurylysynda jobalyq-smetalyq qujattamany 2013 jyly ázirlegen. Oǵan sáıkes aýrýhanada 4 blok (perzenthana, hırýrgııalyq, terapevt, balalar, ınfektsııalyq bólimshe, qosalqy dıagnostıka) kózdelgen. Búginde qujat túzetilý ústinde.
«Qujat 2017 jylǵy mamyrda daıyn bolady dep kútilýde. Sodan keıin ony densaýlyq saqtaý mınıstrligine qaraýǵa jiberemiz. Maýsym sońynda bıýdjet naqtylanady. Osy aıdyń aıaǵynda jabdyqtyń tizbesi keledi», - dedi aýdan ákimi Nurlan Tájibaev.
«20 mamyrǵa deıin memlekettik saraptama jasap, qujatty túzetýdi aıaqtaý kerek. Oblystyq densaýlyq saqtaý basqarmasy 2017 jylǵy respýblıkalyq bıýdjetti naqtylaǵan kezde osy aýrýhanany salý jobasyn engizý máselesin pysyqtasyn», - dep tapsyrma berdi eski aýrýhanany aralaý kezinde ákim Eraly Toǵjanov.
