Mańǵystaý oblysynda úzdik pedagogterge konkýrs jarııalandy

AQTAÝ. QazAqparat - Mańǵystaý oblysynda úzdik pedagogterdi anyqtaý úshin 12 nomınatsııa boıynsha konkýrs jarııalandy. Bul týraly oblystyq bilim basqarmasynan málim etti, dep habarlaıdy QazAqparat tilshisi.

Baıqaýdyń maqsaty – pedagogterdi óńirdiń bilim berý júıesin damytýǵa qosqan erekshe eńbegi úshin kótermeleý.

«Konkýrsta «Úzdik ádistemeni usynýshy», «Ulttyq dástúrdi úzdik nasıhattaýshy», «Úzdik tsıfrlyq tehnologııalardy qoldanýshy», «Orta bilim berý uıymdarynyń úzdik daryndy balalar jetekshisi», «Úzdik jetistikter sheberi», «Orta bilim berý uıymdaryndaǵy úzdik polıglot muǵalim» sııaqty 12 nomınatsııa beriledi», - delingen málimette.

Jeńimpazdarǵa «Mańǵystaý oblysynyń bilim berý salasyna qosqan úlesi úshin» tósbelgisi men 500 000 teńge kóleminde qarjylaı syıaqy beriledi.