Mańǵystaý oblysynda úzdik muǵalimder marapattaldy
Búgin «Abaı» mádenı kesheninde Ustazdar kúni merekesine arnalǵan saltanatty shara ótti. Oblys ákimi pedagogtardy kásibı merekelerimen quttyqtap, urpaq tárbıeleýge qosqan zor úlesteri úshin alǵysyn bildirdi.
- Aldaǵy ýaqytta jańa zań aıasynda muǵalimderdiń jalaqy mólsherin ulǵaıtý, qosymsha eńbek úshin ústemeaqy tóleý, zańsyz tekseristerdi boldyrmaý júıeli jolǵa qoıylady. Muǵalimniń ar-ujdany men qadir-qasıetin qorǵaý, bolashaq irgesi – bilimdi jastardy izgilendirýde atqarǵan eńbegin óz deńgeıinde baǵalaý, áleýmettik ári materıaldyq qoldaý kórsetý iske asady. Jańa zamannyń jas urpaǵyna sapaly bilim berý úshin pedagogtar da kásibı bilim-biliktiligin jan-jaqty jetildirip, úzdiksiz izdenis daǵdysyn qalyptastyrýy tıis, - dedi Serikbaı Trumov.
Sondaı-aq óńir basshysy QR Bilim jáne ǵylym mınıstrliginiń vedomstvolyq tósbelgilerin, oblys ákiminiń Alǵys haty men Qurmet gramotalaryn tabystady.
Budan bólek, «Bilim úzdigi» dástúrli syılyǵynyń jeńimpazdary marapattaldy. Bıyl konkýrsqa 12 atalym boıynsha 160 muǵalim, 22 bilim berý uıymy qatysty.
«Úzdik aýyl mektebi» alǵashqy atalymy boıynsha Túpqaraǵan aýdany Aqshuqyr mektep-lıtseıi úzdik dep tanyldy. Bul bilim ordasy «ıÝNESKO klýby» quramyna engen. «Úzdik qala mektebi» atalymy boıynsha «Bilim-ınnovatsııa» lıtseıine, «Úzdik tehnıkalyq jáne kásiptik bilim berý uıymy» atalymy boıynsha Halel Ózbekǵalıev atyndaǵy Mańǵystaý polıtehnıkalyq kolledjine, «Úzdik mektepke deıingi uıym» atalymy boıynsha Qaraqııa aýdany «Aıgólek» balabaqshasyna, «Úzdik qosymsha bilim berý uıymy» atalymy boıynsha Abyl Taraquly atyndaǵy balalar óner mektebine 1 mıllıon teńge syıaqy tabystaldy.
Pedagogtar otbasyn nasıhattaý jáne áleýmettik qoldaý maqsatynda oblysta jyl saıyn «Úlgili pedagog otbasy» saıysy ótkizilip turady. Bıyl osy nomınatsııa boıynsha bas júldeni Djamalovtar januıasy ıelendi.
Al, «Jyl pedagogy» ataǵyn Túpqaraǵan aýdany, Maksım Gorkıı atyndaǵy bastaýysh synyp muǵalimi Natalıa Nekrasova utyp aldy. Oǵan 1 000 000 tenge tabystaldy. Ol osyǵan deıin Ybyraı Altynsarın atyndaǵy tósbelgini ıelengen.
Sondaı-aq, qalǵan nomınatsııa ıelerine de 500 myń teńge aqshalaı syıaqy berildi.
Sondaı-aq, óz isiniń kásibı mamany QR Bilim jáne ǵylym mınıstrliginiń «Eńbek ardageri» medalin, eki muǵalim «Ybyraı Altynsarın», úsh muǵalim «Bilim berý isiniń qurmetti qyzmetkeri» tósbelgilerin, taǵy 19 ustaz oblys ákiminiń alǵys hattaryn aldy.
