Mańǵystaý oblysynda túıe jarysy ótti
AQTAÝ. QazAqparat - Mańǵystaý oblysynyń Shetpe aýylynda túıe jarysy ótti, dep habarlaıdy «QazAqparat» HAA tilshisi.
Jarysqa 10 túıe qatysty. Jelmaıalar ashyq dalada 7 shaqyrymǵa jarysýy tıis edi. Janýarlardyń kópshiligi jolǵa shydamaı, jarystan shyǵyp qaldy.
«Túıelerdi jarysqa sýytý úshin kóp ýaqyt qajet, tipti birneshe aıǵa sozylýy múmkin. Túıe - at emes, olardy jattyqtyrý qıyn, boı bermeıdi. Túıelerdiń eń joǵary jyldamdyǵy saǵatyna 40 shaqyrym aınalasynda bolady. Túıelerdiń jarysynda kóp nárse janýardyń jyldamdyǵy men tózimine emes, kóńil kúıine baılanysty», - deıdi jelmaıa mingender.
Týrnırde Shebir aýylynyń turǵyny Sultanǵalı Kenebaevtyń túıesi ozdy. Jelmaıanyń ıesine 200 myń teńgeniń syıaqysy berildi.
Uıymdastyrýshylardyń aıtýynsha, bul týrnır keler jyly ótetin úlken jarysqa daıyndyq kezeńi, oǵan Saýd Arabııasynan da «qonaqtar» keledi. Bul jaıly sheteldikter jýyrda Mańǵystaý oblysyna kelgen kezde kelisim jasaldy.
