Mańǵystaý oblysynda týberkýlez derti 10,6%-ǵa tómendedi
AQTAÝ. QazAqparat - Búgin Mańǵystaý oblysynyń ákimi Eraly Toǵjanov 2018 jyldyń birinshi jartyjyldyǵyndaǵy densaýlyq saqtaý júıesiniń qorytyndylary týraly alqa otyrysyna qatysty, dep habarlaıdy óńir basshysynyń resmı saıty.
Kún tártibinde jyl basynan bergi densaýlyq saqtaý júıesiniń jumystary, áleýmettik medıtsınalyq saqtandyrý qory fılıalynyń qyzmeti, oblystaǵy epıdemıologııalyq jaǵdaı men medıtsınalyq jáne farmatsevtıkalyq qyzmetti baqylaý máseleleri talqylandy.
Oblystyq densaýlyq saqtaý basqarmasynyń basshysy Talǵatbek Bápıev 2018 jyldyń birinshi jartysynda densaýlyq saqtaý júıesiniń qorytyndylary týraly baıandady. 2018 jyldyń 1 shildedegi jaǵdaı boıynsha týý kórsetkishi - 20,7 (2017 jyly - 20,97). Keıbir áleýmettik máni bar dertter azaıǵan. Qan tamyrlar júıesi aýrýlarynan ólim kórsetkishi 20,1 -di qurap (2017 jyly 24,2), 5,2%-ǵa kemidi.
-Qaterli aýrýlardan bolatyn ólim 100 myń adamǵa shaqqanda 54,8-di qurap, (2017 j. 55,4) 1,1%-ǵa tómendedi. Týberkýlez aýrýshańdyǵy 10,6%-ǵa tómendedi, 2017 jylǵy osy kezeńmen salystyrǵanda 100 myń halyqqa shaqqanda 33,9-dan 30,3-ke azaıdy. Sondaı-aq, týberkýlez aýrýynan ólim kórsetkishi tómendedi, oblys boıynsha 26,7%-dy qurap, ótken jylmen salystyrǵanda 100 myń adamǵa shaqqanda 1,5 ten 1,1-ge tústi. Esep kezeńinde, Beıneý aýdany ákimdiginen basqa, qala jáne aýdan ákimdikteri tarapynan týberkýlezben aýyratyn 228 naýqasqa 13 132 792 teńge qarajat bólinip, áleýmettik qoldaý kórsetildi, deıdi oblystyq densaýlyq saqtaý basqarmasynyń basshysy Talǵatbek Bápıev.
Internet jelisiniń qoljetimdiligi boıynsha 90 densaýlyq saqtaý obektiliriniń barlyǵy ınternet jelisine qosylǵan. 2572 jumys orny 97% kompıýterlik tehnıkamen jabdyqtaldy.Medıtsınalyq aqparattyq júıesimen 98,8 % qamtyldy.
Sondaı-aq, alqa otyrysynda áleýmettik medıtsınalyq saqtandyrý qory fılıalynyń qyzmeti týraly da aıtyldy.
-Fılıal 55 medıtsına mekemelerimen 21 124 715 myń teńgege 109 kelisimshart jasasty. Medıtsına mekemeleriniń 24-i, ıaǵnı 43,6% - jeke uıymdar. 2017 jylmen salystyrǵanda medıtsına mekemeleriniń sany (47) 8-ge artyp, 14,5% ósti. Olardyń bári de jekemenshik, ósý mólsheri 50% quraıdy. Mańǵystaý oblysynda 2018 jyldyń 6 aıynyń qorytyndysy boıynsha egýden bas tartqandar sany - 873 bala (2017 j. 6 aıy 1016, ıaǵnı 143 adamǵa azaıǵan).
