Mańǵystaý oblysynda teńizge shyqqan demalýshylar sýǵa ketti
AQTAÝ. 2 mamyr. QazAqparat - 1 mamyr kúni túngi saǵat úshte Mańǵystaý oblysynyń Qaraqııa aýdanynda, Aqtaý qalasynan 250 shaqyrym jerde teńizge shyqqan demalýshylardyń motorly qaıyǵy sýǵa batyp ketti.
Bul týraly QR TJM-niń baspasóz qyzmetinen habarlady.
Tótenshe jaǵdaı «Burǵylaý» jáne «Keńdirli» demalys bazalarynyń arasynda oryn aldy.
«Tórt demalýshynyń biri teńiz jaǵasyna júzip shyqty. Qalǵan úsheýi: 1985 jylǵy R. Qarmysov, 1984 jyly týǵandar K. Aıazov pen E.Ábdihalyqov iz-túzsiz joǵalyp ketti. Boljam boıynsha, olar sýǵa batyp ketken. Іzdestirý-qutqarý jumystaryna Mańǵystaý oblystyq TJD sýda qutqarý qyzmetiniń 6 mamany men bir tehnıkasy, QR UQK Shekara qyzmeti «Jaǵalaý kúzetiniń» 5 qyzmetkeri men bir tehnıkasy jáne jergilikti halyqtyń ishinen 11 adam men 3 tehnıka jumyldyryldy», - delingen habarlamada.
