Mańǵystaý oblysynda «Taza tabıǵat» jobasy aıasynda túrli aktsııalar uıymdastyryldy

AQTAÝ. QazAqparat - Búgin Mańǵystaý oblysynda 2500-ǵa jýyq aǵash otyrǵyzyldy, - dep habarlaıdy QazAqparat tilshisi.

Qalany kógaldandyrý jumysy «Mekenim - jasyl elim» atty respýblıkalyq aktsııa aıasynda oryndalyp jatyr.

Mańǵystaý oblysy Tabıǵat resýrstar jáne tabıǵat paıdalanýdy retteý basqarmasynyń bólim basshysy Dınara Eńsegenniń aıtýynsha, shyrsha aǵashyn otyrǵyzýǵa 5000-ǵa jýyq maman kelgen.

Onyń ishinde basqarma basshylary men mekeme mamandary, Qazaqstan halqy Assambleıasynyń ókilderi, eriktiler bar. Olar aldymen 17, 18 shaǵynaýdannan bastap 16-19 shaǵynaýdandardyń ortalyq kóshelerine, 32 jáne 35 shaǵynaýdandaǵy Qan ortalyǵyna deıin shyrsha ekti.

Sharaǵa Mańǵystaý oblysy ákiminiń orynbasary Abzal Meńdibaev ta atsalysty. «Taza tabıǵat» aktsııasy 5 baǵytty qamtıdy. «Mekenim - jasyl elim» baǵyty boıynsha aǵash otyrǵyzsa, oqýshylar «Bul - meniń aǵashym» chellendjin ótkizedi. Sonymen qatar «Taza sý aıdyndary» baǵyty boıynsha bulaq kózin ashý, «Taza jaǵalaý» aktsııasy uıymdastyrylyp jatyr. Qazir jaǵalaý aımaqtaryna, sý qoımalary men qaýmaldarǵa senbilik júrgizilip jatyr», - deıdi Dınara Eńsegen.

Aıta keteıik, aktsııa Prezıdent tapsyrmasyna sáıkes Ekologııa, geologııa jáne tabıǵı resýrstar mınıstrliginiń uıymdastyrýymen ótip jatyr.