Mańǵystaý oblysynda taýar aınalymy 4,5 mlrd dollardan asty
AQTAÝ. QazAqparat - Búgin Mańǵystaý oblysynyń ákimi Eraly Toǵjanovtyń tóraǵalyǵymen apparattyq jıyn ótti, dep habarlaıdy óńir basshysynyń baspasóz qyzmeti.
Kún tártibinde eksporttyq saıasat jáne eksporttaýshylardy qoldaý, tutynýshylardyń quqyqtaryn qorǵaý máseleleri, transport pen logıstıkany tsıfrlandyrý máseleleri qaraldy.
Apparat otyrysynda eksporttyq saıasat jáne eksporttaýshylardy qoldaý týraly Mańǵystaý oblystyq ındýstrııalyq-ınnovatsııalyq damý basqarmasy basshysynyń mindetin atqarýshy Talǵat Abdyqadyrov baıandady.
Mańǵystaý oblysy eksporttyq-ımporttyq operatsııalardy álemniń 89 memleketimen júzege asyrady, onyń ishinde eksporttyq operatsııalardy - 37, al ımporttyq operatsııalardy 86 elmen jasaıdy (ımportty Armenııa, Aýǵanstan jáne Týnıs elderimen júzege asyrady).
«2017 jyly Mańǵystaý oblysynyń taýar aınalymy 4 556,6 mln AQSh dollaryn qurady, bul ótken jylmen salystyrǵanda 18,2% ósken. Syrtqy saýda teńgeriminiń oń saldosy 4 006,6 mln AQSh dollaryn qurady. Sondaı-aq, 2018 jylǵa qaraı aımaq boıynsha taýarlar eksporty 28,7 mln AQSh dollaryn quraıdy dep kútilýde.
Aımaqtaǵy eksportqa baǵdarlanǵan kásiporyndarǵa qoldaý kórsetý úshin birqatar is-sharalar júrgizildi. 2017 jyly AQ "Qazazot", "Eksporttaýshy-2020" jelisi boıynsha jalpy somasy 6,0 mlrd teńge jeńildikpen kredıt berildi (9,0%). Astyq termınaly "Aq-bıdaı" "Eksporttaýshy-2020" baǵdarlamasy aıasynda "sheteldegi ınvestıtsııalardy saqtandyrý" quralyn paıdalandy. "Ónimdilik 2020 "Baǵdarlamasy sheńberinde" "Qazazot" JShS ındýstrııalyq-ınnovatsııalyq jobany ázirleýge jáne saraptaýǵa arnalǵan josparyn jasaqtaýǵa jumsalǵan 3 mln teńge shyǵynyn, sondaı-aq "Arcellor Mittal Products Aktau" AQ quzyrettiligin arttyrýǵa jumsalǵan 14 mln teńge shyǵyndaryn memleket ótedi.
Tutynýshylardyń quqyqtaryn qorǵaý máseleleri týraly Mańǵystaý oblysy boıynsha tabıǵı monopolııany retteý jáne básekelestikti qorǵaý departamentiniń basshysy Serjan Sıhymbekuly málimdedi. Aǵymdaǵy jyldyń 1 qańtar aıynan bastap tutynýshylardyń quqyqtaryn qorǵaý salasynda 50 ótinish tústi. Kóbinese tutynýshylar quqyqtarynyń buzylýy sapasyz taýar satyp alýmen, sapaly qyzmet kórsetilýmen baılanysty bolyp otyr..
Kólik jáne logıstıkany tsıfrlandyrý týraly oblystyq jolaýshylar kóligi jáne avtomobıl joldary basqarmasynyń basshysy Álibı Kóshirbaev baıandama jasady.
Qazirgi ýaqytta Mańǵystaý oblysynyń aýmaǵynda áýe, temirjol, teńiz jáne jolaýshylar tasymaly jumysynda tsıfrlandyrý baǵdarlamasy qoldanylady. Avtobýs parkin jańartqannan keıin, jolaýshylar tasymaly men elektrondyq bıletterdi baqylaý júıesi - «InfoBus» mobıldi qosymshasy iske qosylmaq. Bul júıe kólik quraldarynyń qozǵalysyn, onyń belgilengen baǵdardan aýytqýyn, kórsetilgen baqylaý núkteleriniń naqty kelýin, toqtaý ýaqytyn jáne sapar ýaqytyn qadaǵalaýǵa múmkindik beredi.
