Mańǵystaý oblysynda taǵy da birneshe qoıdy tamaqtap ketti
ASTANA. QazAqparat - Mańǵystaý oblysyndaǵy Saıyn Shapaǵatov aýylynyń turǵyndary maldarynyń ólýine baılanysty taǵy shaǵymdandy, dep habarlaıdy «QazAqparat» HAA Lada.kz-ke silteme jasap.
10 naýryzǵa qaraǵan túni aýylda malǵa taǵy shabýyl jasalǵan.
Saıyn Shapaǵatov aýylynyń turǵyny Saǵynǵalıdiń aıtýynsha, bir túnniń ishinde jeti qoı men qozyny tamaqtap ketken.
«Tańerteń olar shalajansar edi. Polıtsııany, jergilikti ákimdik qyzmetkerlerin, mal dárigerin shaqyrdyq. Keldi, kórdi de qaıtyp ketti. Saraptama jasalǵansha ólekselerge tıispeýdi surady. Basqa túk te emes, qańǵybas ıtterdiń taǵy da shabýyl jasaǵanynyń saldary bul»,-deıdi Saǵynǵalı.
Saıyn Shapaǵatov aýyly ákiminiń mindetin atqarýshy Jánibek Erkebulan bul keleńsiz oqıǵa jaıly keıinirek aıtyp berýge ýáde etti.
Eske sala ketsek, budan buryn qańǵybas ıtter osy aýyldyń birneshe qoıyn tamaqtap ketken edi. Bılik 35 ıtti atyp óltirdi.
