Mańǵystaý oblysynda shóp shabý naýqany júrip jatyr

AQTAÝ. QazAqparat - Mańǵystaý oblysyndaǵy Mańǵystaý aýdanynda jergilikti kásipkerler shóp shaýyp, aýyl-aımaqty shóppen qamtýdy qolǵa aldy, dep habarlaıdy QazAqparat tilshisi.

Máselen, Aqshymyraýdan 120 shaqyrymda ornalasqan Jumyrtqaly jerinde jumys istep jatqan eki brıgada 15 kúnniń ishinde 43 tonna shóp shapqan.

Byltyrdan qalǵan qamba shópti shaýyp, aýylǵa tasyp jatqan jergilikti kásipkerler Nurjaýbaı Nurbekov pen aǵaıyndy Mustafınder ákimdikpen memorondým aıasynda shóp baǵasyn 700 teńgeden asyrmaı otyr.

Shóp shabýshylardyń aıtýynsha, ázirge Aqshymyraý aýylyna tasyp jatyr, birer kúnde kórshiles Qyzan aýylyna da aparmaq.

Jalpy, Mańǵystaý aýdany boıynsha 14 kásipkerge shóp shabý úshin jer berilgen, qazir beseýi bastap ketti.

Manash Qydyrqoja men Qaırat Salyqov Ústirttiń Bóribas jerinen shabylǵan shópti Shetpe, Basqudyq, Ondy aýyldaryna 900 teńgeden satyp jatyr.

Al Tasorpa bettegi Jumyrtqaly jerinen jergilikti kásipkerler shapqan shóp Aqshymyraý, Qyzan aýyldaryna 700 teńgeden ótkizilip otyr.

Oralbaev Qýatbaı Myńkisi áýlıe mańyna shalǵy salyp, Shebir, Tuşyqudyq aýyldaryn shóppen qamtymaq. Baǵa 700-900 teńge aralyǵynda.

Sondaı-aq, Aqtóbeniń Qobda aýdanyndaǵy keshendermen kelissóz júrip, «Kaspıı» ÁKK arqyly shóp ákelinip jatyr jáne jyl aıaǵyna deıin jetkizilip turmaq.