Mańǵystaý oblysynda shańdy daýylǵa baılanysty jol jabyldy

AQTAÝ. QazAqparat - Mańǵystaý oblysynda Shetpe men Jetibaı aýyldary arasynda kólik qozǵalysyna tyıym salyndy, dep habarlaıdy QazAqparat «Qazvtojolǵa» silteme jasap.

Jergilikti ýaqyt boıynsha saǵat 13.00-den bastap Mańǵystaý oblysynda «Dossor-Qulsary-Beıneý-Saı Ótes-Shetpe-Jetibaı-Aqtaý» tasjolynyń Shetpe aýylynan Jetibaı aýylyna deıingi ýchaskesinde avtokóliktiń barlyq túri úshin qozǵalysqa shekteý engizildi.

Oǵan shańdy daýyl, sonyń saldarynan joldyń durys kórinbeýi sebep bolǵan.

Mańǵystaýlyq jolshylar óńirdegi respýblıkalyq mańyzdaǵy kúre joldardy kúsheıtilgen rejımde patrýldep júr.

Shtattan tys jaǵdaı týyndasa 1403 nómirine qońyraý shalý kerek. Qazavtojoldyń call-ortalyǵy táýlik boıy jumys isteıdi.