Mańǵystaý oblysynda shańdy daýyl soǵyp tur

AQTAÝ. QazAqparat – Mańǵystaý oblystyq polıtsııa departamenti aýa raıynyń kúrt nasharlaýyna baılanysty júrgizýshilerden jolǵa shyqpaýdy suraıdy, dep habarlaıdy QazAqparat tilshisi.

Inspektorlar jol erejesin qatań saqtap, jyldamdyq rejımin asyrmaýdy suraıdy. Aıta keteıik, buǵan deıin Mańǵystaý oblystyq tótenshe jaǵdaılar departamenti 13 sáýirde óńirde shańdy daýyl bolatynyn eskertken edi. Ońtústik-shyǵystan soqqan jeldiń ekpini 15-20 m/s-ke, kúndiz keı jerlerde 23 m/s-ke jetedi.

Qutqarýshylar qatty jel qaýpi kezinde balkondar men lodjııalardy tekserip qoıýǵa, barlyq jeńil jáne úlken zattardy baılap nemese bólmege kirgizýge keńes beredi.

Sonymen qatar jeńil kólikterdi aǵashtardyń astyna qoımaýdy, balalardy qaraýsyz qaldyrmaýdy suraıdy.

Aıta ketsek, buǵan deıin Mańǵystaý oblysynda aýa raıyna baılanysty eskertý jarııalandy.