Mańǵystaý oblysynda shańdy daýyl saldarynan joldar jabyldy

NUR-SULTAN. QazAqparat - Mańǵystaý óńirinde shańdy daýyl soǵyp, kórýdiń qıyndaýyna baılanysty jol qozǵalysyna shekteý qoıyldy, dep habarlaıdy QazAqparat tilshisi «QazAvtoJol» AQ baspasóz qyzmetine silteme jasap.

«Dossor-Qulsary-Beı̆neý-Saı̆ótes-Shetpe-Jetibaı̆-Aqtaý» avtojolynyń 647-712 shaqyrymynda kólikterge júrýge tyıym salyndy. Bul Shetpe-Jetibaı jol ýchaskesi», - delingen habarlamada.

Aýa raıy qolaısyzdyǵynan jol qozǵalysyna shekteý búgin saǵ.13:30-dan bastap (Nur-Sultan ýaqytymen) engizildi.

«Shtattan tys jaǵdaı týyndasa, «QazAvtoJoldyń» biryńǵaı táýlik boıy jumys isteıtin koll-ortalyǵyna habarlasýǵa bolady. Baılanys nómiri - 1403», - deıdi atalǵan vedomstvodan.

Aıta keteıik, «Qazgıdromet» mamyrdyń 2-si kúngi kún raıy boljamyn jarııalaǵan bolatyn.