Mańǵystaý oblysynda saýda ortalyqtarynyń jumys ýaqyty uzartylmaıdy

AQTAÝ. QazAqparat - Vedomstvoaralyq komıssııanyń otyrysynda saýda úıleriniń jumysyn senbi kúni saǵat 22:00-ge deıin uzartý týraly oblystyń bas sanıtar dárigeriniń usynysy qabyldanbady. Bul týraly Sanıtarııalyq-epıdemıologııalyq baqylaý departamentiniń baspasóz qyzmetinen málim etti.

Buǵan deıin Ǵazız Nadýev Mańǵystaý oblysy koronavırýs ınfektsııasynyń taralý qarqyny boıynsha «jasyl» aımaqta bolýyna oraı aýdany 500 sharshy metrden asatyn saýda, oıyn-saýyq, saýda úıleri men ortalyqtarynyń jumys kestesin 22:00-ge deıin uzartý týraly usynys jasaǵan bolatyn.

Bassanıtarlyq dárigerdiń usynysy qabyldanbady. Karantın talaptaryna saı saýda ortalyqtarynyń jumys kestesi ózgerissiz qalady. Bul nysandardyń kestesi jumys kúnderi - 22:00-ge deıin, senbide - 17: 00-ge deıin. Jeksenbi - demalys.