Mańǵystaý oblysynda PTR-zerthana ashyldy

AQTAÝ. QazAqparat - Mańǵystaý oblysynyń Jańaózen qalasynda koronavırýs ınfektsııasyna taldaý júrgizetin zerthana ashyldy. Endi qala turǵyndary PTR-test tapsyrý úshin oblys ortalyǵyna sabylmaıtyn bolady, dep habarlaıdy QazAqparat tilshisi.

Zerthanada táýligine 200-ge deıin test synamasyn tapsyrýǵa bolady. Almatydan medıtsınalyq jabdyqtar ákelindi. Qazir olardy montajdaý jumystary bastaldy. Nysan bir aptadan keıin tolyq iske qosylady.

Munda 4 myń adamǵa kovıdti tekseretin reaktıvter de jetkizildi. Bul jumystarǵa demeýshiler esebinen 89 mıllıon teńge bólingen.

Atalǵan ortalyqtyń ereksheligi tek koronavırýsqa qarsy test jasalmaıdy. Ózge de medıtsınalyq taldamalar júrgiziledi.

«Pandemııanyń alǵashqy kezeńinde qatty qıyndyq kórdik. Sebebi, analız nátıjesi 2-3 kúnde keledi. Endi zerthanadaǵy apparatty iske qossaq, synama qorytyndysyn 1 kúnde daıyndap beretin bolamyz», - dedi zerthana meńgerýshisi Zeınep Tóleýbergenova.