Mańǵystaý oblysynda poıyz túıeni qaǵyp ketti
MAŃǴYSTAÝ. QazAqparat - Mańǵystaý oblysynda poıyz ótip bara jatqan túıeni qaǵyp ketti, dep habarlaıdy QazAqparat lada.kz saıtyna silteme jasap.
«Qazaqstan temir joly» AQ baspasóz qyzmeti málim etkendeı, oqıǵa 11 maýsym kúni bolǵan. Túıeni qaqqan poıyz Aqtóbege qaraı kele jatqan.
«Saǵat 11:15-tiń kezinde Mańǵyshlaq-Tamaq baǵytyndaǵy saǵatyna 10 kılometr jyldamdyqpen kele jatqan №309 poıyz temirjoldyń ústimen ótip bara jatqan túıeni qaǵyp ketti. Mashınıst dereý toqtaǵan. Ol jol-kólik oqıǵasyna kináli emes. Poıyzǵa zaqym kelgen joq. Al túıeniń ıesine 12 025 teńge kóleminde aıyppul salyndy. Joldarda júretin qaraýsyz qalǵan janýarlar bizge kedergi keltiredi. Ieleri baqylap júrgeni durys. Júrgizýshi árdaıym jyldam toqtap úlgermeıdi, sonyń saldarynan qıyndyqtarǵa tap bolýymyz múmkin», - dedi «Qazaqstan temir joly» AQ baspasóz qyzmetindegiler.
