Mańǵystaý oblysynda polıtsııaǵa kelgen er adam sómkesinde bomba bar ekenin aıtqan

NUR-SULTAN. QazAqparat - Mańǵystaý oblysynda er adam temirjol vokzalynyń polıtsııa bólmesine kelip, sómkesindegi bomba bar ekenin aıtqan, – dep habarlaıdy QazAqparat Polisia.kz saıtyna silteme jasap.

26 tamyzda saǵat 10:20 shamasynda Mańǵystaý stantsııasyndaǵy jelilik polıtsııa bóliminiń kezekshi bólimine Mańǵystaý stantsııasynyń temirjol vokzalynyń polıtsııa bólmesine belgisiz azamat kelip, sómkesinde jarylǵysh qurylǵy bar ekenin aıtqan.

Atalǵan derek boıynsha Atyraý oblysynyń 49 jastaǵy turǵyny ustaldy. Oqıǵa ornyna jelilik polıtsııa bóliminiń basshylyǵy, kezekshi prokýrorlar shyqty. Aýmaqty qorshaý úshin polıtsııanyń jeke quramy jumyldyryldy. Temirjol vokzaly ǵımaratynan 37 adam evakýatsııalandy, temirjol vokzalynyń aýmaǵy qorshaldy, sondaı-aq polıtsııa qyzmetkerleri avtojoldardy ýaqytsha jaýyp tastady. Aýmaqty tekserý barysynda, sondaı-aq sómkeden jarylǵysh zattar tabylǵan joq. Atalǵan fakti boıynsha QR QK-niń 273-baby (Terrorızm aktisi týraly kórineý jalǵan habarlaý) boıynsha sotqa deıingi tergeý júrgizilýde

Foto: polisia.kz