Mańǵystaý oblysynda polıtsııa kóligi bar jyldamdyqpen ózge mashınaǵa soǵyldy

AKTAÝ. QazAqparat – Mańǵystaý oblysynyń trassasynda polıtsııa kóligi ózge mashınamen soqtyǵysyp, jyraǵa qulap ketti, dep habarlaıdy QazAqparat Lada.kz saıtyna silteme jasap.

Jol-kólik oqıǵasy 18 tamyz kúni shamamen saǵat 16:00-de «Aqtaý – Shetpe - Beıneý» respýblıkalyq mańyzy bar trassasynda boldy.

Polıtsııa departametiniń málimetinshe, jol apaty «Mercedes-Benz» júrgizýshisiniń kinásinen bolǵan. Ol qashyqtyqty saqtamaı, «Hyundai Solaris» kóligimen soqtyǵysqan. Soqqy saldarynan «Hyundai Solaris» qarsy baǵyttaǵy jolaqqa shyǵyp ketip, oǵan polıtsııa kóligi soǵylǵan.

Oqıǵa patrýldik kóliktiń vıdeotirkegishine jazylǵan. Zardap shekkender joq.

«Ereje buzǵan júrgizýshige qatysty QR Ákimshilik quqyq buzýshylyq týraly kodeksiniń 610-baby 1-bóligi boıynsha (Kólik quraldaryn, júkterdi, joldardy, joldaǵy jáne basqa da qurylysjaılardyń nemese ózge de múliktiń búlinýine alyp kelgen, materıaldyq zalal keltirgen kólik quraldary júrgizýshileriniń jol júrisi qaǵıdalaryn buzýy) hattama toltyryldy», - dedi vedomstvodan.

Apatqa kináli adamǵa 20 aılyq eseptik kórsetkish mólsherinde aıyppul salý nemese alty aıǵa deıingi merzimge kólik quralyn basqarý quqyǵynan aıyrý jazasy belgilenýi múmkin.