Mańǵystaý oblysynda perzenthanadaǵy júkti áıelden koronavırýs anyqtaldy
Oblystyq kommmýnıkatsııa ortalyǵynyń málimetinshe, 19 qazandaǵy jaǵdaı boıynsha óńirdegi ınfektsııalyq statsıonarlarda 54 adam em qabyldaýda. Onyń ekeýinen PTR-testileý qorytyndysy oń nátıje kórsetken. Olardyń biri – perzenthanada jatqan júkti áıel, ekinshisi – oblystyq balalar aýrýhanasyna túsken sábı. Qalǵan 52 adamǵa koranavırýstyq pnevmonııa dıagnozy qoıylǵan.
«Qazirgi ýaqytta jansaqtaý bóliminde 3 naýqas jatyr. Onyń 2-niń jaǵdaıy aýyr, taǵy 1 naýqas óte aýyr hálde dep baǵalanýda. Olardyń jaǵdaıynyń nasharlaýyna jedel tynys jetispeýshiligi jáne ilespe aýrýlardyń bolýy sebep. Búginde aımaqtyń oqshaýlaý oryndaryndaǵy tósek-oryn júktemesi 25 paıyzdy quraıdy», - delingen habarlamada.
Búginde aımaq boıynsha 215 ınfektsııalyq tósek-oryn men 9 statsıonar bar. Budan bólek taǵy 11 statsıonar men 1835 kereýet qoldanysqa ázir. Barlyq tehnıka, múlikpen qamtylǵan bul orynda rezervte tur.
Aıta keteıik, KVI-diń kelesi tolqynyna ázirlik aıasynda 70 myń adam tumaýǵa qarsy ekpe alady dep josparlanǵan. Búginde 90 protsentine ekpe salyndy. Olardyń basym kópshiligin júkti áıelder, jıi aýyratyn tulǵalar men esepte turǵan azamattar quraıdy.
Búginde óńirde 3372 adam vırýs juqtyryp, 3326 adam jazylyp shyqqan.