Mańǵystaý oblysynda oıyn avtomattary men elektrondyq rýletkalar joıyldy (FOTO)

AQTAÝ. Mańǵystaý oblysynda sot sheshimimen 5 oıyn avtomaty men 1 elektrondy rýletka joıyldy. Memlekettik kirister aımaqtyq departamentiniń quqyq qorǵaýshylary júrgizgen reıd barysynda zańsyz oıyn oryndary anyqtalyp, tárkilendi.

«Reıd barysynda tárkilengen aqsha qarajattary memleket kirisine alyndy, oıyn avtomattary men rýletkalar býldozermen janshylyp, joıyldy, al zańsyz bıznesti uıymdastyrýshylarǵa iri kólemde aıyppul salyndy. Ekonomıkalyq tergeý qyzmeti departamenti tekserý jumystary budan ári jalǵasatynyn eskertti. Al kóleńkeli bıznespen aınalysqan kásipkerler aıyppul salýdan oıyn tehnıkalaryn tárkileýmen bas bostandyǵynan aıyrýǵa deıin tıisti jazaǵa tartylady», - dep atap ótti Mańǵystaý oblysy boıynsha memlekettik kirister departamentiniń uıymdastyrý-qarjylyq basqarmasynyń bastyǵy Maqsat Aqmuratov.

M.Aqmuratov «Oıyn bıznesi týraly» zańnamaǵa sáıkes elde eki aýmaqta ǵana oıyn qyzmetin júzege asyrýǵa bolatynyn eske saldy - olar: Almaty oblysyndaǵy Qapshaǵaı sý qoımasynyń jaǵalaýy jáne Aqmola oblysyndaǵy Býrabaı aýdany.