Mańǵystaý oblysynda oqýshylar arabtyń «Dalal» ıissýynan ýlandy
ASTANA. QazAqparat - Orta mekteptiń alty oqýshysy Mańǵystaý oblysy Shetpe aýylynda aýrýhanaǵa jetkizildi, dep habarlaıdy QazAqparat.
tumba.kz-tiń oblystyq densaýlyq saqtaý basqarmasyna silteme jasap taratqan aqparatyna súıensek, oqýshylardyń ózderin jaısyz sezinýine «Dalal» ıissýy sebep bolǵan.
Mektep ustazynyń aıtýynsha, altynshy synyp oqýshysy ózimen birge arabtyń «Dalal» maıly ıissýyn alyp kelip, ony kabınetke sepken. Sabaq barysynda synyp ishinde parfıýmniń ótkir ıisi sezilgen. Mektep medbıkesine shaǵymdanǵannan keıin, jedel járdem shaqyrtylyp, alty oqýshy ortalyq aýdandyq aýrýhanaǵa jetkizildi. Medıtsınalyq kómek kórsetilip, úsh saǵattyq baqylaýdan keıin, ózderin jaqsy sezingen oqýshylar úılerine qaıtaryldy.
Tutynýshylar quqyqtaryn qorǵaý departamentiniń qyzmetkerleri epıdemıologııalyq tekserý júrgizdi. Talapqa sáıkes 18 qazan kúni «Dalal» ıissýy toksıkologııalyq saraptamaǵa jiberildi.
