Mańǵystaý oblysynda modýldi statsıonardyń qurylysy bastaldy
«Aýrýhana 200 kereýetke arnalǵan jáne tolyqtaı qajetti medıtsınalyq jabdyqtarmen qamtylady. Statsıonarǵa 300-den asa medıtsına qyzmetkeri qabyldanady. Jalpy, Mańǵystaýda epıdemıologııalyq ahýalǵa sáıkes 170 adamǵa arnalǵan 9 ınfektsııalyq statsıonar bar. Rezervtegi 11 ınfektsııalyq statsıonarda 1835 tósek oryn daıyn», - dedi basqarma basshysy.
Jamal Jamanbaevanyń aıtýynsha, óńirde kadr rezervi jasaqtalǵan. Degenmen 75 medıtsına qyzmetkeri jetispeıdi. Sondaı-aq, basqarma basshysy óńirdiń medıtsına mekemelerin dári-dármekpen qamtamasyz etý maqsatynda jasalyp jatqan jumystar jaıynda baıandady.
«Qazirgi ýaqytta oblys kólemindegi ınfektsııalyq jáne provızorlyq statsıonarlarda 30 myńnan astam antıkoagýlıanttar geparın, kleksan, frakısparın, bakterııaǵa qarsy 2000 astam tsef-4, 35000 tsef-3, 40000 jýyq tseftazıdım, 8000 jýyq azıtromıtsın jáne t.b bakterııaǵa qarsy preparattar bar. Oǵan qosa 25000 jýyq deksametazon jáne 30000 jýyq prednızolon preparattary bar. Qor kólemi 3 aıdan astam ýaqytqa jetedi dep josparlandy»,-dedi MO Densaýlyq saqtaý basqarmasynyń basshysy Jamal Jamanbaeva.
Óńirde tumaýǵa qarsy vaktsına salý 15 qyrkúıekten bastap bastalady. Bıyl 100 000 doza kóleminde vaktsına qajettiligi eseptelip shyǵaryldy. Tumaýǵa qarsy vaktsınanyń 70 000 dozasy oblysqa qyrkúıektiń 4-i kúni jetkizildi.
«Tumaýǵa qarsy vaktsınatsııalaý kezinde turǵyndardy kelesi sharalardy saqtaý qajet.Vaktsınatsııa 2020 jyldyń 15 qyrkúıeginde bastalady. Sizderdi dárigerler ózderi shaqyrady. Emhanaǵa kelý ýaqyty belgilenedi. Munyń bári patsıentterdiń aǵymyn retteý jáne adamdardyń kóp jınalýyna jol bermeý úshin kerek. Maska rejımin jáne araqashyqtyqty qatań saqtaý talap etemiz»,-dedi MO Densaýlyq saqtaý basqarmasynyń basshysy Jamal Jamanbaeva.
