Mańǵystaý oblysynda mereke kúnderi karantın talaptary jeńildeıdi

AQTAÝ. QazAqparat - Mańǵystaý oblysynyń bas sanıtar dárigeriniń jańa qaýlysy shyqty. Qujatqa sáıkes mereke jáne demalys kúnderi saýda, oıyn-saýyq ortalyqtary men azyq-túlik, azyq-túlik emes bazarlaryna kelýshiler sany 30%-dan aspaıtyn karantın talaptaryn saqtaı otyryp, qalypty rejımde jumys isteýge ruqsat etiledi.

Ǵımarattar men qoǵamdyq kólikterdiń ishinde adamdar sanıtarlyq talaptar men araqashyqtyqty saqtap, betperde taǵýy mindetti.

Al, kóńil kóteretin oryndardyń jumysyna tyıym salynady. Atap aıtqanda: karaoke, bılıard, kompıýterlik klýbtar, túngi klýbtar, boýlıng ortalyqtary, jabyq úı-jaılardaǵy balalar oıyn alańdary men attraktsıondar, batýttar, saýda-oıyn-saýyq ortalyqtary men úılerdiń janyndaǵy muz alańdary, býkmekerlik keńselerdiń jumysyna ruqsat etilgen joq.

Sondaı-aq, fýdkort pen banket zaldarynyń jumysyna tyıym salynǵan.

Kórmeler, forým, konferentsııa, sondaı-aq, otbasylyq, eske alý (banket, toı, mereıtoı, sadaqa, jappaı jańa jyldyq is-sharalar (onyń ishinde erteńgilikter, merekeler uıymdastyrý), onyń ishinde úıde jáne adamdar kóp jınalatyn ózge de sharalardyń ótkizilýine dýmandy, aýqymdy sporttyq sharalarǵa tıym salynady.

Tek qana tamaqtandyrý oryndarynyń qalypty jaǵdaıda jumys isteýine ruqsat beriledi.

Mańǵystaý oblysynda karantın talaptary men merzimi «COVID-19» koronavırýstyq ınfektsııanyń taralýy boıynsha jaǵdaıǵa baılanysty ózgertilýi múmkin.