Mańǵystaý oblysynda mektep bitirýshi túlekter tóbelesti

AQTAÝ. QazAqparat - Mańǵystaý oblysynyń Beıneý aýdanyndaǵy aýylda eki mektep oqýshylary arasynda tóbeles boldy, dep habarlaıdy QazAqparat tilshisi oblystyq polıtsııa departamentine silteme jasap.

Atalmysh janjaldyń vıdeosy jelide jarııalandy.

Oblystyq polıtsııa departamenti baspasóz qyzmetiniń habarlaýynsha 25 mamyr kúni saǵat 11.00-de Beıneý aýdanynyń Beıneý aýylynda J.Qaldyǵaraev jáne Y. Altynsarın atyndaǵy mektep oqýshylary arasynda tóbeles boldy. Oqıǵa ornynda 7 adam ustalyp, mán-jaıdy anyqtaý úshin polıtsııa bólimshesine jetkizildi. Atalǵan fakti boıynsha sotqa deıingi tergeý júrgizilip jatyr.

Esterińizge sala keteıik, mektepterdegi sońǵy qońyraýǵa baılanysty polıtsııa kúsheıtilgen qyzmet kórsetý rejımine kóshti.

Mańǵystaý oblysynyń polıtsııa departamenti túlekterdiń ata-analaryna kámeletke tolmaǵan balalar úshin jaýapkershiliktiń bar ekendigin eskertedi jáne osy kúni mektep oqýshylaryn qadaǵalaýdy kúsheıtýge shaqyrady.