Mańǵystaý oblysynda mádenıet úıine Farıza Ońǵarsynovanyń esimi berildi

AQTAÝ. QazAqparat – QR Úkimet basshysy Asqar Mamınniń Qaýlysymen Mańǵystaý oblysynda eki nysanǵa qoǵam qaıratkerleriniń esimderi berildi, dep habarlaıdy QazAqparat.

Atap aıtqanda, Premer-Mınıstrdiń Qaýlysymen:

- Mańǵystaý aýdandyq mádenıet, dene shynyqtyrý jáne sport bóliminiń «Mańǵystaý aýdandyq balalar men jasóspirimder sport mektebi» kommýnaldyq memlekettik mekemesine Shoqyr Bóltekulynyń esimi berildi.

- Munaıly aýdandyq mádenıet, dene shynyqtyrý jáne sport bóliminiń «Munaıly aýdandyq ortalyq mádenıet úıi» memlekettik kommýnaldyq qazynalyq kásiporny «Farıza Ońǵarsynova atyndaǵy aýdandyq ortalyq mádenıet úıi» MKQK bolyp qaıta ataldy.

Qujat alǵashqy resmı jarııalanǵan kúnnen bastap qoldanysqa engiziledi.