Mańǵystaý oblysynda Qyzyl kitapqa engizilgen balyq aýlaǵan brakonerler ustaldy

QARAQIıA AÝDANY. QazAqparat - Mańǵystaý oblysynda Qyzyl kitapqa engizilgen 65 keli balyq aýlaǵan brakonerler ustaldy, dep habarlaıdy QazAqparat Polisia.kz saıtyna silteme jasap.

«8 tamyz kúni Qaraqııa aýdanyndaǵy Aqsý jaǵalaýynda, Temir baba baqylaý-ótkizý beketine jaqyn jerde aýlaýǵa tyıym salynǵan balyq túri tıelgen avtokólik toqtatyldy. Qaraqııa polıtsııa bóliminiń qyzmetkerleri kóliktiń ishinen jalpy salmaǵy 65 keli 30 qyzyl balyqty tapty», - dep habarlady polıtsııadan.

Atalǵan fakti boıynsha QR QK «Sırek kezdesetin jáne joıylyp ketý qaýpi bar, sondaı-aq paıdalanýǵa tyıym salynǵan ósimdik nemese janýarlar, olardyń bólikteri nemese derıvattaryn zańsyz qoldaný» baby boıynsha sot aldyndaǵy tergeý amaldary bastaldy. Ustalǵandar eldimekennen tys shyqpaý jóninde qolhatpen bosatyldy.