Mańǵystaý oblysynda qyz ben jigitten 2 kg esirtki tabyldy

AQTAÝ. QazAqparat – Mańǵystaý oblysynda 19 jáne 21 jastaǵy qyz ben jigitten 2 keli eskirtki tabyldy, dep habarlaıdy QazAqparat Rolisia.kz-ke silteme jasap.

«Mańǵystaý oblysy Polıtsııa departamentiniń uıymdasqan qylmysqa qarsy kúres basqarmasynyń qyzmetkerleri 28 qazanda saǵat 17.15 shamasynda Aqtaý qalasynyń ónerkásiptik aımaǵynyń mańynda 19 jastaǵy azamatsha men 21 jastaǵy azamatty ustady. Jeke tintý barysynda ekeýinen de «mefedron« jáne «jyldamdyq« sıntetıkalyq esirtki zattary bar 49 túıinshek tabyldy.

Keıin páterdi tintý kezinde polıtseıler sıntetıkalyq esirtkiniń 4 paketin tapty. Tárkilengen esirtkilerdiń jalpy salmaǵy 2 kelini quraıdy», - delingen habarlamada.

Kúdiktiler qylmysqa barǵanyn moıyndaǵan. Fakti QR Qylmystyq kodeksiniń 297-baby 1-bóligi boıynsha tirkeldi.