Mańǵystaý oblysynda kún elektr stantsııasy salynady
ASTANA. QazAqparat - Mańǵystaý oblysynda Shetpe kentinde qýaty 12 Mvatt kún elektr stansasyn salý josparlanýda, dep habarlaıdy lada.kz.
Quny 20 mln dollar turatyn jobany tórt kompanııadan (qazaqstandyq, qytaılyq, frantsýzdyq, reseılik) turatyn konsortsıým iske asyrady. Stantsııanyń ornalasatyn orny mańǵystaýdyń klımattyq ereksheligi eskerilip, tańdaldy. Joǵary kún belsendiliginiń arqasynda Mańǵystaý óńiri jańartylatyn kózderden energııa óndirý boıynsha jobalardy iske asyrý úshin eń qolaıly orynnyń biri bolyp tabylady.
Biz Qazaqstanmen yntymaqtasyp, jumys tájirıbesimen bóliskimiz keledi. Bul Aqtaýǵa alǵashqy saparym. Munda men tıimdi paıdalanýǵa bolatyn kún energııasyna baı óńirdi kórdim. Kompanııanyń múmkindikterin eskere otyryp, biz kún elektr stantsııasy jobasyn ınvestıtsııalaýǵa múddelimiz», - dep habarlady qytaılyq kompanııa prezıdenti Fý Hongveı.
Kún elektr stantsııasy 30 ga jerde ornalasady. Qurylysy kóp ýaqytqa sozylmaıdy dep ýáde berýde, jobany 2018 jylǵy birinshi toqsanda tapsyrý josparlanýda. Jańa óndiris 80 jańa jumys ornyn qurýǵa múmkindik beredi.
