Mańǵystaý oblysynda qumar oıyndaryn zańsyz uıymdastyrýshy ustaldy

NUR-SULTAN. QazAqparat – QR Qarjylyq monıtorıng agenttiginiń Mańǵystaý oblysy boıynsha aýmaqtyq departamenti Jańaózen qalasynda zańsyz oıyn bıznesin uıymdastyrýdyń kezekti dereginiń jolyn kesti.

Bul týraly QazAqparat agentiktiń baspasóz qyzmetine silteme jasap habarlaıdy.

Qala turǵyny Q.Qoshtaev jeke kompıýterlerdi lotereıa apparattary túrinde Rahat shaǵyn aýdany, N.Tilendıev kóshesi, 21/3 ǵımarat meken-jaıy boıynsha ornalastyrǵan.

Tekserý barysynda kompıýterler men teledıdarlar tárkilendi.

Q.Koshtaevqa 1,1 mıllıon teńge kóleminde aıyppul salyndy.

QMA jalǵa berýshilerdiń de úı-jaıdy zańsyz oıyndar nemese avtomattarǵa usynǵany úshin QR QK-niń 307-baby boıynsha qylmystyq jaýapqa tartylýy múmkin ekendigin habarlaıdy.

Jalǵa berýshiler qylmystyq jaýapkershilikten qalaı qutyla alady?

1. Kommertsııalyq úı-jaılardy jaldaýǵa bergende mindetti túrde jalǵa berý shartyn jasańyz.

2. Úı-jaıdy nemese kommertsııalyq aýmaqty tek zańmen ruqsat etilgen qyzmetti júzege asyrý úshin ǵana jalǵa berińiz.

3. Eger siz úı-jaıdy jalǵa berseńiz, al jalǵa alýshy onda zańsyz oıyn avtomattaryn qoısa nemese astyrtyn kazıno uıymdastyrsa – tez arada qarjylyq monıtorıng organdaryna habarlasyńyz.

«Ol úshin Agenttiktiń resmı akkaýntterine jeke habarlamada foto jáne mekenjaıdy joldasańyz nemese [phone] senim telefonyna habarlassańyz jetkilikti:

Facebook - https://www.facebook.com/afm.rk/

Instagram - https://www.instagram.com/afm_rk/», delingen agenttiktiń baspasóz qyzmeti taratqan aqparatta.