Mańǵystaý oblysynda koronavırýsqa qatysty ahýal áli de turaqsyz – bas sanıtar dáriger

AQTAÝ. QazAqparat - Mańǵystaý oblysy «jasyl» aımaqta bolǵanymen, óńirdegi epıdemıologııalyq ahýal áli de turaqsyz. Bul týraly oblystyń bas memlekettik sanıtarııalyq dárigeri Ǵazız Nadýev málim etti, dep habarlaıdy QazAqparat tilshisi.

Onyń aıtýynsha, sońǵy eki aptada koronavırýs ınfektsııasyn 96 mektep oqýshysy, 6 muǵalim juqtyrǵan.

«Qaýipti indet 96 oqýshydan úıdegi qarym-qatynas arqyly anyqtalyp otyr. Aýyrǵan oqýshynyń barlyǵynyń shaǵymy joq. Jaqyn baılanysta bolǵan adamdar karantınge alyndy. Іndetke qarsy sharalar jalǵasýda», - dedi Ǵazız Nadýev.

Aıta keteıik, buǵan deıin Mańǵystaý oblysynda epıdemıologııalyq jaǵdaıdyń jaqsarýyna baılanysty kásipkerlik obektileriniń jumysyna salynǵan keı shekteýler alynǵanyn jazǵan bolatynbyz.