Mańǵystaý oblysynda koronavırýs juqtyrǵan azamat Aqtaý turǵyny

AQTAÝ. QazAqparat – Búgin saǵat 09:50-degi jaǵdaı boıynsha Mańǵystaý oblysynda 1 adamnyń koronavırýs juqtyrǵany málim boldy, dep habarlaıdy QazAqparat.

Ol 24 jastaǵy Aqtaý qalasynyń turǵyny. Koronavırýs ınfektsııasyn juqtyrǵan adammen qarym-qatynasta bolýyna baılanysty karantındik statsıonarǵa jatqyzylyp, zerthanalyq synama alynǵan, dep habarlady Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtaby.

PTR dıagnostıkalyq zertteý nátıjeleri boıynsha atalǵan azamattan COVID-19 dıagnozy naqtylandy. Kazirgi ýaqytta naýqas oblystyq aýrýhananyń juqpaly aýrýlar bólimine ornalastyryldy.

Aýrý oshaqtarynda dezınfektsııalyq jumystar júrgizildi. Epıdemııaǵa qarsy is-sharalar qolǵa alynǵan.

Osy ýaqatt Mańǵystaý oblysynda qaýipti vırýsty juqtyrǵan 19 adam, aýrýdan aıyǵyp ketken 4 adam bar.