Mańǵystaý oblysynda koronavırýs anyqtalǵan azamat Ystanbuldan ushyp kelgen

NUR-SULTAN. QazAqparat – Mańǵystaý oblysynyń densaýlyq saqtaý basqarmasy Ánýar Saǵymbaevtyń aıtýynsha koronavırýs anyqtalǵan azamat – 1974 jylǵy BQO turǵyny bolyp shyqty, dep habarlaıdy QazAqparat tilshisi.

«Búgin Mańǵystaý oblysynda koronavırýspen aýyratyn birinshi adam tirkeldi. Ol – 1974 jylǵy Oral qalasynyń turǵyny. Búgin tańǵy 05.30-da ushaqpen Ystanbuldan Aqtaýǵa ushyp kelgen. Ushaqta 74 adam bolǵan. Olardyń bári observatsııalyq aýrýhanaǵa jatqyzyldy», - dedi Ánýar Saǵymbaev «Habar 24» arnasyndaǵy onlaın rejimdegi baspasóz máslıhatynda.

Qazirgi tańda koronavırýs juqtyrǵan azamat ınfektsııalyq aýrýhanaǵa aýystyrylǵan.

Eske sala ketsek, búgin koronavırýs ınfektsııasyn juqtyrý jaǵdaıy Mańǵystaý oblysynda da tirkelgen edi.