Mańǵystaý oblysynda kólikpen jarysqan mektep túlekteri jaýapqa tartyldy
Jas túlekter avtokólik kortejimen jarys uıymdastyrǵan. Áleýmettik jelilerde jastardyń vıdeosy paıda boldy.
Oblystyq polıtsııa departamentiniń habarlaýynsha, jas túlekter jyldamdyqty shekten tys asyrǵan. Olarǵa zańǵa sáıkes aıyppul salyndy.
«Jańaózen qalasyna qarasty jolda ózara jarysqan kólikterdiń júrgizýshilerine aıyppul salyndy. Barlyǵy 16 avtokólik qatysqan. Júrgizýshilerdiń jasy 18-den 25 jasqa deıin ekeni anyqtaldy. Avtokólikter aıypturaqqa jabyldy. Avtokólik ıesine QR Ákimshilik quqyqbuzýshylyq týraly zańynyń 593 bólimi 2 bóligi boıynsha (Qaýipsizdik beldiginiń talaptaryn saqtamaý) jáne 612 baptyń 1-bólimi (Qujattary joq jáne basqarý quqyǵy joq adamnyń kólik júrgizýi) boıynsha hattama toltyryldy»,-dep habarlady departamenttiń baspasóz qyzmeti.