Mańǵystaý oblysynda kıik atqan Ózbekstan azamaty ustaldy
ASTANA. QazAqparat - Mańǵystaý oblysy aýmaǵynda kıikti zańsyz atqan Ózbekstan azamaty ustaldy. Bul týraly QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Feısbýktegi paraqshasynda málim etti, dep habarlaıdy QazAqparat.
«2017 jylǵy 12 jeltoqsanda «Ohotzooprom» ÓB» RMQK óńirlik fılıalynyń ınspektorlary Mańǵystaý oblysy Beıneý aýylynyń Úshqatyn eldi mekeninde Beıneý aýylynyń jáne Ózbekstan Respýblıkasynyń azamatyn zańsyz kıik atqany úshin quryqtady. Tekseris barysynda 2 bas analyq kıik, 12 kalıbrli ańshy myltyǵy, 6 dana «AZOT» markaly 12 kalıbrli oq jáne 1 pyshaq tabyldy»,- dep jazdy S. Dildahmet.
Atalǵan is boıynsha Beıneý aýdandyq ІІB-de qylmystyq is qozǵaldy. Kıiktiń analyǵyn zańsyz atqan úshin 350 AEK kólemde aıyppul salynady. Brakonerler tabıǵatqa 1 588 300 teńge zalal keltirgen.
Budan buryn habarlanǵandaı, taıaýda Batys Qazaqstan oblysynda «Ohotzooprom» ınspektorlary zańsyz kıik aýlaǵan eki brakonerdi qolǵa túsirdi.
