Mańǵystaý oblysynda ken ornyndaǵy órtten bir adam zardap shekti
AQTAÝ. QazAqparat - Mańǵystaý oblysyndaǵy «Bozashy Munaı» JShS-ǵa qarasty «Ońtústik Qaraturyn» munaı-gaz ken ornyndaǵy órtten bir adam zardap shekti, dep habarlaıdy QazAqparat tilshisi.
«Zaman Energo» JShS merdigerlik mekemesinde burǵylaýshynyń kómekshisi jaraqat aldy. Ol keýdesiniń sol jaǵyndaǵy 8-qabyrǵasynyń jabyq synyǵy, sol jaq bileginiń ІІІ dárejeli termııalyq kúıigi dıagnozymen aýrýhanaǵa joldanǵan. Tekserýden keıin úıine jiberilip, ambýlatorııalyq em taǵaıyndaldy», dedi Mańǵystaý oblystyq Tótenshe jaǵdaılar departamentiniń baspasóz qyzmetinen.
Eske salsaq, 9 maýsym kúni «Bozashy Munaı» JShS «Ońtústik Qaraturyn» munaı-gaz ken ornynda 1088 metr tereńdikten burǵylaý quralynyń kóterilýi saldarynan órt tutanǵan edi.
Tilsiz jaý búginge deıin áli aýyzdyqtalǵan joq.
