Mańǵystaý oblysynda kásipkerlik nysandar sany artty
Mańǵystaý oblysynyń kásipkerlik jáne saýda basqarmasynyń basshysy Janna Toqbaevanyń málimetinshe, bıyl aımaqta 54 myń kásipkerlik nysan jumys istep tur.
«Aımaqtaǵy shaǵyn jáne orta kásipkerliktiń negizgi kórsetkishteri boıynsha bıylǵy 1 qyrkúıektegi jaǵdaıǵa sáıkes, jumys istep turǵan kásipkerlik sýbektilerdiń sany ótken jyldyń osy kezeńimen salystyrǵanda 4,5%-ǵa ósti. Bıyl barlyǵy 54 myń kásipkerlik nysan jumys istep jatyr», - dedi Janna Toqbaeva.
Oblystaǵy 54 myń kásipkerlik nysannyń 75,8%, ıaǵnı 40 890-y jeke kásipkerler úlesine tıesili. Al shaǵyn kásiporyndar sany 18,9%, ıaǵnı 10 187 nysandy qurap otyr. Óńirdegi aýyl sharýashylyǵyn damytýda sharýa qojalyqtarynyń 2 796-y, ıaǵnı 5,2%-y jumys isteıdi. Qalǵan 0,2% nemese 88 nysan orta kásiporyndardyń úlesine tıesili.
Spıkerdiń aıtýynsha, jyl basynan beri óńirdegi shaǵyn jáne orta bıznes nysandarynyń óndirgen ónim kólemi 308,9 mlrd. teńgeni qurady.