Mańǵystaý oblysynda karantın kúsheıtiledi

NUR-SULTAN. QazAqparat - Mańǵystaý oblysynda SOVID-19 indetine shaldyqqandar sanynyń 7 paıyzǵa artýyna jáne epıdemıologııalyq ahýaldyń kúrdelenýine baılanysty birqatar qyzmet túri jumystaryn toqtatady. Bul jaıynda Ortalyq kommýnıkatsııalar qyzmetiniń óńirlik fılıalynda aıtyldy, dep habarlaıdy QazAqparat Lada saıtyna silteme jasap.

Mańǵystaý oblysynyń bas memlekettik sanıtarlyq dárigeriniń qaýlysyna sáıkes, kelesi nysandardyń jumysyna tyıym engiziledi:

1) Kınoteatrlar, teatrlar, kórmeler, ınternet jáne kompıýter klýbtary, oıyn-saýyq oryndary;

2) Túngi klýbtar, kalıan tartý oryndary;

3) Oıyn-saýyq nysandary (býkmekerlik, bılıard, karaoke, ps-klýby, kvestter, boýlıng ortalyqtary jáne basqalary):

4) Syıymdylyǵy 30 orynnan kóp meıramhanalar, dámhanalar, toıhanalar;

5) Jekelegen nómirleri men kabınalaryn qospaǵanda monshalar men saýnalar:

6) Balalar aktraktsıondary.

Sonymen qatar mynadaı shekteýler engiziledi:

1) Oblys turǵyndarynyń qalalar, aýdandar, aýyldar arasyndaǵy arly-berli júrýine;

2) Qalalar men aýdandarda ishki qalalyq kólikter jumysyna tańerteńgi saǵat 06-den 10-00-ge deıin jáne keshkisin saǵat 17-00-den 21-00-ge deıin ǵana ruqsat beriledi;

3) oıyn-saýyq jáne ózge de buqaralyq, sonymen qatar otbasylyq, eske alý sharalaryn ótkizýge;

4) Kámeletke tolmaǵan balalardyń eresekterdiń qaraýynsyz jalǵyz júrýine;

5) Adamdar kóp jınalatyn oryndarda, qoǵamdyq kólikter men dúkenderde maskasyz júrýge;

6) Meshitterde jappaı juma namazyn oqýǵa ( jeke namaz oqý úshin árbir adam úshin 1,5 metr araqashyqty, sanıtarlyq-zalalsyzdandyrdyń kúsheıtilgen sharalaryn saqtaý arqyly).

Karantındik sharalar rejımi men merzimi COVID-19 ınfektsııasynyń taralýyna qatysty ahýaldyń ózgerýine baılanysty qaıta qaralýy múmkin.

Buǵan deıin Almaty oblysynda da karantın sharalarynyń kúsheıtilgendigi habarlanǵan edi. Óıtkeni, óńirde ótken apta ishinde koronavırýs juqtyrǵandardyń sany 4,5 paıyzǵa jetip otyr.