Mańǵystaý oblysynda «KamAZ» jeńil kólikpen soqtyǵysty

AQTAÝ. QazAqparat – Mańǵystaý oblysynda jol apatynan bir adam qaza taýyp, úsh adam jaraqat aldy, dep habarlaıdy QazAqparat.

Oblystyq Polıtsııa departamentiniń baspasóz qyzmetinen málim etkendeı, qaıǵyly oqıǵa búgin «Aqtaý-Jańaózen» tasjolynyń 66-shaqyrymynda saǵat 07:50 shamasynda boldy.

«Lada Vesta» avtokóligi men «KamAZ» júk kóligi soqtyǵysty. Apat saldarynan «Lada Vesta» kóligindegi bir jolaýshy oqıǵa ornynda kóz jumdy. Zardap shekken úsh adam Jetibaı aýdandyq aýrýhanasyna jetkizildi. Atalǵan fakti Qaraqııa aýdandyq polıtsııa bóliminde tirkeldi», - delingen baspasóz habarlamasynda.