Mańǵystaý oblysynda iri jol apaty boldy

AQTAÝ. QazAqparat - 14 qarasha saǵat 21.45 shamasynda 102 kezekshi pýltine Munaıly aýdany Atameken selosynda jol-kólik oqıǵasy oryn alǵany jóninde shaqyrtý tústi, dep habarlaıdy QazAqparat.

Aımaqtaǵy polıtsııa departamentiniń málimetinshe, apat saldarynan bir kólik órtenip ketti. Eki adam qaza tapty.

«Qazirgi ýaqytta órt tolyqtaı óshirildi. Oqıǵa ornynda jedel-tergeý toby jumys istep jatyr. Oqıǵanyń mán-jaıy anyqtalýda», - dep jazdy vedomstvodan.

Bul fakt QR QK-niń 345-baby 4-bóligi boıynsha Munaıly aýdandyq polıtsııa bóliminde tirkelgen. Avtokólikti basqaratyn adamnyń jol júrisi nemese kólik quraldaryn paıdalaný qaǵıdalaryn buzýy abaısyzda eki nemese odan da kóp adamnyń ólimine ákep soqqan.