Mańǵystaý oblysynda ınfektsııalyq statsıonarlardyń sany 2 ese qysqardy

NUR-SULTAN. QazAqparat – Mańǵystaý oblysynda eıpdahýaldyń turaqtanýyna baılanysty staıtsonarlyq tósekterdiń sany qysqaryp jatyr. Bul týraly Mańǵystaý oblysy ákiminiń orynbasary Gúlmıra Qalmuratova ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«Oblysta jyl basynan beri COVID-19 vırýsyn juqtyrǵandar sany 19 337 adam boldy. 8-15 qazan aralyǵynda, ıaǵnı, bir aptanyń ishinde 71 azamattan vırýs anyqtalǵan. Sońǵy táýlikte 7 adam juqtyrǵan.

Aımaqtar boıynsha aýrýshańdyq kórsetkishine toqtalsaq, naýqastardyń 57,1 paıyzy Aqtaý qalasyna, 15,7 paıyz Munaıly aýdanyna tıesili. Qalǵan aýdandar men qalalarda aýrýshańdyq kórsetkishi odan tómen», - degen ákimdik ókili óńirde 22 332 azamattyń COVID-19 indetinen emdelip shyqqanyn atady.

«8-15 qazan aralyǵynda 111 adam em qabyldap, tańda 375 ınfektsııalyq jáne 57 reanımatsııalyq tósek qyzmet kórsetýde. Shilde-tamyz aılarynda qosymsha tósekter qosyp, 15 nysan jumys istegen. Búginde naýqastar 7 statsıonarda em alyp jatyr», - dedi Gúlmıra Qalmuratova.