Mańǵystaý oblysynda ekotýrızm taqyrybynda ekspedıtsııa ótip jatyr
Ekspedıtsııa barysynda óńirdegi ekologııalyq týrızmniń birqatar máseleleri, Mańǵystaý oblysy boıynsha saıahattaý úshin qaýipsiz jáne eń ońtaıly maýsymǵa qatysty usynymdar, saparǵa ózińizben birge ne alý qajet jaıly suraqtar talqylanady.
Sondaı-aq ekspedıtsııalyq sapar sheńberinde «Qazaqstan Respýblıkasynyń óńirlik týrıstik ónimin ilgeriletý úshin marketıngtik quraldardy paıdalanýdy jetildirý (Mańǵystaý oblysynyń mysalynda)» taqyrybynda ǵylymı zertteý daıyndalatyn bolady.
Ekspedıtsııa aıasynda barlyq marshrýtqa 7 jol talǵamaıtyn kólik, dala ashanasy, dalada, etnoaýylda jáne vızıt-ortalyqta túneý uıymdastyrylady. Ekspedıtsııanyń uzaqtyǵy 5 kúndi quraıdy. Ekspedıtsııa jalpy uzyndyǵy 1500 km-den asatyn Mańǵystaý oblysynyń eń tanymal jerlerine barýdy kózdeıdi.
Nıet bildirýshiler óz kólikterimen kelesi marshrýt boıynsha qosyla alady:
21 qazan: - Aqtaý q. - Jyǵylǵan - Sultan úpi jerasty meshiti - Qapamsaı kanony - «Sartas» vızıt-ortalyǵy;
22 qazan: Shaqpaq ata jerasty meshiti - Shaqpaqtysaı kanony - Torysh sharlar alqaby - Sherqala taýy - «Aıraqty-Shomanaı» alqaby;
23 qazan: Tuzbaıyr sory - Beket ata (panorama) - Bozjyra (joǵarǵy, tómengi nemese ortańǵy panorama)
24 qazan: Boqty taýy - Qyzylqup shatqaly - Qaraqııa oıpaty - Aqtaý qalasy.
Plogging
23 qazan - Túpqaraǵan aýdanynyń, Saýra shatqalynda Plogging Saura ótkiziledi;
24 qazan - Túpqaraǵan aýdany, Tamshaly shatqalynda Plogging Tamshaly ótkiziledi.
23 qazan - Túpqaraǵan aýdanynyń, Saýra shatqalynda Plogging Saura ótkiziledi;
24 qazan - Túpqaraǵan aýdany, Tamshaly shatqalynda Plogging Tamshaly ótkiziledi.
Kaspıı teńiziniń jaǵalaýyndaǵy sporttyq júgiris jáne qoqys jınaý. Barlyq nıet bildirýshiler kelesi silteme boıynsha tirkeýden ótip, qatysa alady: http://ploggingsauratamshaly.tilda.ws/
Plogging Saura jáne Plogging Tamshaly aıasynda ekolog Dına Nurjanovanyń qatysýymen qoqysty suryptaý boıynsha master-klasstar ótedi.
Qorytyndysy boıynsha marapattaý jáne qatysýshylarǵa medaldar tabystaý rásimi bolady.
Sondaı-aq, barlyq qaldyqtar Ecowasteaqtau-ǵa qaıta óńdeýge tapsyrylady.
Jınalǵan barlyq qoqystar suryptalyp, Ecowasteaqtau-ǵa qaıta óńdeýge tapsyrylady.
25 qazanda Aqtaý qalasynda júgirý boıynsha jartylaı marafon - AKTAU MARATHON ótedi.
Jartylaı marafonnyń marshrýty amfıteatr aýmaǵynan bastalady, keıin amfıteatr aýmaǵynda burylys pen fınısh bolady. 2022 jylǵy startta kelesi qashyqtyqtar usynylady: jartylaı marafon - 20 km., júgirý - 10 km. Ár qatysýshyǵa bastapqy jıyntyq, fýtbolka, jarysqa arnalǵan rıýkzak beriledi.
Marafonǵa qatysýshylary úshin tamaqtaný pýnktteri jáne marshrýt boıy tegin sý berý pýnktteri de ornatylǵan. Erler men áıelder arasyndaǵy eki qashyqtyqtaǵy marafon jeńimpazdary aqshalaı júldeler men syılyqtar alady.
Júgiris is-shara aýmaǵynda ornalasqan Led ekrandarda kórsetiledi.
29 qazanda trail running jarysy boıynsha ár túrli dıdjeılerdiń qatysýymen DJ Run Aktau - DJ festıvali ótedi. Tabıǵı relef boıynsha júgiris. Jarysqa qatysýshylar sany - 500 adam. Jarys bastalǵanǵa deıin trail running ashylý saltanaty ótedi, qatysýshylar úshin bastapqy jıyntyqtar usynylady. Marshrýt boıynsha júgirý shynyǵýdan bastalady. Fınıshtan keıin jarysqa qatysýshylardy medaldarmen marapattaý rásimi, banner boıynda sýretke túsý ótedi.
Dı-djeı festıvali ashylý saltanatynan keıin 3 dı-djeıdiń, halyqaralyq baıqaýlardyń júldegerleriniń qatysýymen bastalady. Spektakl jarqyn shoý jáne kásibı júrgizýshiniń qatysýymen ótedi.
