10:35, 11 Qazan 2021 | GMT +5
Mańǵystaý oblysynda dóńgelegi jarylyp ketken kólik aýdarylyp qaldy
AQTAÝ. QazAqparat –Beıneý aýdanynda «Mercedes-Benz» kóligi aýdarylyp qaldy, dep habarlaıdy QazAqparat tilshisi.
Oblystyq polıtsııa departamentiniń habarlaýynsha, kólik apaty 10 qazan kúni saǵat 05:05-te bolǵan.
«Mercedes-Benz» avtokóliginiń dóńgeli jarylyp ketýi saldarynan júrgizýshi rýldi basqara almaı, turaqqa qoıylǵan LADA 21902 avtokóligimen soqtyǵysqan. Saldarynan kólik qonaq úı qorshaýyna soǵylyp, aýdarylyp qaldy», delingen habarlamada.Zardap shekkender aýdandyq aýrýhanaǵa jetkizilip, medıtsınalyq kómek kórsetilgennen keıin úılerine jiberilgen.
Oqıǵanyń mán-jaıy tolyq tekserilip jatyr.