Mańǵystaý oblysynda boryshker abonentter kommýnaldyq qyzmetterden ajyratylmaıdy

AQTAÝ. QazAqparat – Mańǵystaý oblysynda elektr energııasy, gaz, jylý jáne sýǵa qaryzy barlar kommýnaldyq qyzmetterden ajyratylmaıdy. Bul týraly oblystyq Energetıka jáne turǵyn úı-kommýnaldyq sharýashylyǵy basqarmasynyń basshysy Aıdos Hamıev Qoǵamdyq kommýnıkatsııa ortalyǵynda málim etti, dep habarlaıdy QazAqparat tilshisi.

Málim etilgendeı, Qazaqstan Respýblıkasy aýmaǵynda tótenshe jaǵdaı aıaqtalǵanǵa deıin Mańǵystaý oblysynyń barlyq tutynýshylary úshin qaryzdardy óndirip alýdy toqtata turý sharalary qabyldanyp, kommýnaldyq qyzmet túrlerimen (elektr energııasy, gaz, jylý, sý) úzdiksiz qamtamasyz etý sheshilgen.

Aıdos Hamıev atap ótkendeı, bul rette, turǵyndar kommýnaldyq qyzmetterge aqy tóleýden jáne qaryzyn jabýdan bosatylmaıdy.

«Tek tótenshe jaǵdaı aıaqtalǵanǵa deıin qajetti jaǵdaıda ǵana kelisimmen tólemderdi keshiktirip tóleýge bolady», - dedi ol.

Tótenshe jaǵdaı kezinde (apat jáne t.b.) oblys halqyn aýyzsýmen qamtamasyz etý maqsatynda 180 myń tekshe metr aýyz sý qory bar.